Logopedtenesta i Øystre Slidre.

Logopedtenesta i Øystre Slidre er lagt til skuleetaten der eg arbeider i 75 % stilling.

Namnet mitt er Gurid Skarstad. Etter lærarskulen og fire år i grunnskulen, tok eg toårig logopedutdanning ved Spesiallærarhøgskulen. Sidan har eg praktisert som logoped i Møre og Romsdal og i Valdres.

 

• Logopedtenesta er kommunal og heimla i opplæringslova.
• I tillegg til arbeidet i skulen, arbeider eg også privat. I følgje lov om folketrygd § 5-10 fjerde ledd, har vaksne med ulike språkvanskar rett på logopedbehandling. Denne behandlinga må rekvirerast av lege. Omfanget av den private tenesta varierer etter behov og kapasitet.

Kompetanseområdet:

• Logopeden har til oppgåve å hjelpa born i førskule- og grunnskulealder og vaksne med språk-, stemme- og talevanskar.
• Logopeden er rådgjevar og fagleg rettleiar innan sitt arbeidsområde. Arbeidet skjer i samarbeid med foreldre/føresette, lærarar/barnehagepersonell, lege/helsesyster og PP-tenesta.

Kontor:

Logopedkontoret er i kommunehuset, men undervisninga skjer ved at eg reiser rundt til skular, barnehagar, sjukeheim, mv. Eg er lettast å treffa på kontoret fyrst og sist på dagen.