Uteskule på Øystre Slidre ungdomsskule
 

Hovudmål

• å bidra vesentleg til å leggje grunnlaget for at elevane skal trivjast med fysisk aktivitet og friluftsliv, slik at dei tek vare på kroppen og får gode sjansar til å behalde ei jamnt god helse livet ut
• å gje naturopplevingar, praktiske ferdigheiter, utvikle kunnskap og forståing slik at elevane kan vera aktivt deltakande i arbeidet for ei berekraftig utvikling
• å medvirke til å utvikle eit positivt kroppsbilete hjå elevane

Delmål

• auke trivsel
• auke styrke, koordinasjon, spenst, smidigheit og kondisjon
• auke sosiale ferdigheiter
• gjera elevane fortrulege med kvalitetane nærmiljøet har for fysisk aktivitet
• minke sjukefråværet og behovet for medisinsk behandling

Strategi

Skulen skal vidareutvikle ein pedagogikk som stimulerer til betre læringsarbeid utandørs.
 

• I dette arbeidet skal vi finne fram til og ta i bruk gode læringsstader med utgangspunkt i L06
• I dette arbeidet skal vi systematisere kunnskapen om læringsstadene, slik at denne blir reiskap for heile skulen.
• I dette arbeidet skal vi finne fram til og ta i bruk helsefremjande aktivitetar utandørs i nærmiljøet.
• I dette arbeidet skal vi systematisere kunnskapen om aktivitetane, slik at denne blir reiskap for heile skulen.
• I dette arbeidet skal vi stimulere til elev- og foreldremedverknad, og til aktivt samspel med offentlege og friviljuge samarbeidspartnarar som erbeider etter tilgrensande målsetjingar.
   

Verkemiddel og organisering

• Nettverksarbeid: tilføre ny kunnskap og utveksle idear med andre
• Rettleiing: bruke interne/eksterne ressurspersonar i rettleiing og motivasjonsarbeid
• Økonomi: arbeide kontinuerleg med å halde oppe kommunale løyvingar på nødvendig nivå
• Informasjon: skape interesse for temaet gjennom aktivt arbeid mot media og andre kanalar
• "eit liv framfor dei som er verdt å leva" er avhengig m.a. av god helse.

Uteskule skal vera eit hovudverkemiddel i helsefremjande verksemd for livet, og skal etter kvart vera ein del av den daglege verksemda ved skulen.

 

Ungdomssteget:

8. klasse

I opplæringa skal elevane
tileigne seg kunnskap om og få erfaring med ulike måtar å bruke nærmiljøet på
få erfaring med turar på berrmark og snø, til dømes fottur, skitur, sykkeltur, skeisetur

Faste aktivitetar

1. Aktivitetsdag med hovudtema vatn
2. Leirskule

I opplæringa skal elevane

• gjere feltarbeid og bli kjende med organismar som lever i vatn, og korleis organismane er tilpassa kvarandre og miljøet dei lever i
• gjere seg kjende med næringskjeder i ferskvatn og saltvatn
• arbeide med eit utval pattedyr og fiskeartar i ferskvatn og saltvatn

9. klasse

I opplæringa skal elevane

• oppleve kontakt og nærleik med naturen gjennom å planleggje og gjennomføre ein tur med overnatting i naturmiljø
• utvikle forståing for kor sårbar og sterk naturen er
• lære å ta ut og følgje kompasskurs og orientere seg i terrenget ved hjelp av turkart

Faste aktivitetar

1. Kanotur/overnatting

10. klasse

I opplæringa skal elevane

• få erfaring med å vere ute om vinteren
• få høve til opplevingar som kan vere både spennande og utfordrande
• lære å vurdere terrenget med omsyn til sikkert vegval, rasjonering av eigne krefter, trygg ferdsel og miljøvern
• lære om faktorar som kan løyse ut snøskred og om livberging i samanheng med snøskred
• øve seg i å lage naudbivuakk og levegg

Fast aktivitet

1. Snøholetur/overnatting
    

Idrettsutveksling, turar mm.

• Hausttur i fjellet, alle
• Regional fotballturnering annakvart år, lag frå u-steget
• Vinteraktivitetar b-steget, saman med dei andre skulane i kommunen
• Vinteraktivitetar for heile skulen i regi av elevrådet.
• Fjellskitur/alpindag, alle
• Jakt-/fiskeleir, ulike valmulegheiter

 

Daglege aktivitetar

Sommer

• Ballspill: Bandy, fotball, handball, sandvolleyball, basket, badminton,
• Turar: Hinderløyper, skogsturar, orienteringsløyper
• Vannaktivitetar: Kajakk, kano, robåt, fiske, bading
• Klatring
• Leik: Uteleiker: Hoppetau, slåball, freesbee, stikkball
   

Vinter

• Ballspill: Bandy, innefotball, stikkball, volley, osb.
• Ishockey
• Bordtennis
• Dans
• Skiturar
• Fotturar
• Salongskyting
   

Samarbeidspartnarar

• Øystre Slidre idrettslag
• Øystre Slidre skogeigarlag
• Øystre Slidre JFF
• Øystre Slidre kommune - sektor for helse og velferd
• Øystre Slidre kommune - sektor for kultur, utvikling og næring
• Fylkeslegen i Oppland
• Fylkesmannen i Oppland

 Frå "Prinsipp og retningsliner" i L 06

Helsefremjande arbeid og fysisk fostring står sentralt i læreplanane for faga. Opplæringa skal gi innsikt i samanhengen mellom livsstil, levekår, miljø og helse. Ho skal gjere sitt til at elevane trivst med fysisk aktivitet og friluftsliv og medverke til at dei tek vare på kroppen og utviklar gode helsevanar.
Endringar i levesettet og i fritidstilboda, med færre innslag av allsidig fysisk aktivitet, gjer at stadig fleire bruker mindre tid til fysisk arbeid, leik, idrett og friluftsliv. Skule­miljøet må derfor inspirere og opne for ein fysisk aktiv skolekvardag.
Friluftslivet er eit viktig innslag i den norske kulturen. Opplæringa skal fremje glede over fysisk aktivitet og over det storslåtte i naturen og dessutan fremje omsorga for dei utsette delane av naturen. Det kan gi elevane opplevingar og få dei til å forstå seg sjølve som ein del av naturen, og utvikle positive holdningar hjå dei til naturvern og til miljøvern.

Kroppsøving

Småskulesteget	Sansemotorikk	Eg og dei andre	Leikkultur	Nærmiljø/natur
Mellomsteget	Kroppsmedvit og rørsleglede	Samarbeid og sosialt samvær	Idrett og dans	Ut i naturen
Ungdomssteget	Fysisk aktivitet og helse	Idrett	Dans	Friluftsliv

 

• Skulen skal sjå til at elevane skal få positive erfaringar med og kunnskap om ulike former for leik, idrett, dans, friluftsliv og annan fysisk aktivitet som ein del av kulturen og som eit grunnlag for ein fysisk aktiv livsstil.
• Elevane skal bli fortrulege med sine eigne evner og moglegheiter i ulike aktivitetar innanfor leik, idrett, dans, friluftsliv og andre former for fysisk aktivitet.
• Elevane skal arbeide med å meistre grunnleggjande dugleik innanfor friluftsliv, leik, idrett og dans slik at dei kan nytte desse i ulike former for samarbeid
• Elevane skal bli kjende med moglegheitene for friluftsliv, leik, idrett og dans i lokalmiljøet
   

I opplæringa skal elevane

• bruke dugleiken sin i leik, dans, idrett og friluftsliv som utgangspunkt for enkel analyse av samansette rørsler gjennom arbeid med ruller, løp, hopp, kast og spark og gjennom arbeid med balanse, rotasjonar, sats og landing
• bruke dugleiken sin i leik, dans, idrett og friluftsliv til å utvikle kunnskap om variasjon av plassering av tyngdepunkt og storleiken på støtteflater
• lære å ta ansvar innanfor friluftsliv, leik, idrett og dans, slik at alle elevar får delta ut frå sine føresetnader
• samarbeide om å ta ansvar for å planleggje og gjennomføre enkle prosjekt ut frå sine interesser innanfor friluftsliv, leik, idrett og dans. Elevane kan til dømes arrangere turneringar, aktivitetar for lågare klassesteg, framføringar på foreldremøte, leie sin eigen klasse i fysisk aktivitet, miljøkveld