Om terminkarakterar

Til elevar og foreldre på ungdomssteget:

I forskrifta til Opplæringslova står det m.a.:

§ 3-5. Tidspunkt for fastsetjing av karakterar

Terminkarakterar skal fastsetjast:

• til jul, eller seinast innan utløpet av januar, for 8., 9. og 10. klassesteget

I ulike dokument som beskriv vurderingsarbeidet til skulen står det m.a.:

• Hovudformålet med elevvurdering er å fremje læring og utvikling.
• Vurderinga skal knytast saman med og vere grunnlag for rettleiing, og medverke til vidare utvikling av elevane og av skulen.
• Vurdering og rettleiing skal gjere at elevane kan gjere seg nytte av tilbakemeldingar og reflektere over sitt eige arbeid og sin eigen framgang, og motivere dei til innsats og til å bruke evnene sine.
• Vurderinga må bli meir oppteken av prosess enn resultat.
• Vurderinga skal gi informasjon og fremje kontakt mellom skolen og heimen.

Vi meiner at vi best tek i vare desse omsyna ved å setje og kunngjere karakterane mot slutten av januar. Ved jul går elevane til ein ca 14 dagar lang ferie, og då er det krevjande å knyte karakterane med grunngjeving og rettleiing godt til framtida. Mot slutten av januar har elevane fullført halve skuleåret, og er midt inne i ein aktiv læringsprosess på skulen.

Vi fastset og delar ut karakterar ca 20 januar ved ØSBUS.

Vennleg helsing

Pål Lundby
rektor

Klage på standpunktkarakterar og eksamenskarakterar
 

Sluttvurdering er standpunktvurdering og eksamensvurdering. Fastsetjing av standpunktkarakterar er enkeltvedtak. Det kan klagast på sluttvurdering og vedtak om ikkje å sette standpunktkarakter
De finn forskrift til opplæringslova her